Во рамките на ЕУ-иницијативата BUILD UP Skills (http://www.buildupskills.eu), која има за цел подобрување на квалификациите и вештините на европските градежни работници за постигнување на зголемена енергетска ефикасност на објекти, во Македонија во тек е реализација и имплементација на втората фаза на проектот „BUILD UP Skills – Builders’ Energy Efficiency Training (BEET)”. Иницијативата е фокусирана на континуирано неформално образование за различни занимања вклучени за изградбата на објекти.

Целта на Проектот е реализација на тренинг-програми за развој и унапредување на вештини на работниците од градежниот сектор за постигнување на зголемена енергетска ефикасност во објекти, за 5 (пет) занимања кои во Патоказот (http://www.buildupskills.mk/images/Publikacii/Roadmap/EN_Roadmap_BUS-MK.pdf) се дефинирани како приоритетни.

Како дел од проектните активности, Проектот „Обука на градежните работници за енергетска ефикасност(BUILD UP Skills – BEET)”, организира

ПРЕПОЗНАВАЊЕ (ВЕРИФИКАЦИЈА)

на претходно знaење и вештини за енергетска ефикасност

на градежните работници

и објавува

ПОВИК ЗА ПРИЈАВУВАЊЕ

на кандидати за препознавање на претходно знaење и вештини

за енергетска ефикасност за следните занимања:

фасадери, кровопокривачи, столари, инсталатери на греење, ладење и вентилација и инсталатери на електрични инсталации

I) Предмет на повикот

Предмет на повикот е пријавување на кандидати кои поседуваат знаења и вештини стекнати со неформални обуки и/или работно искуство во градежни претпријатија. Во рамките на повикот ќе бидат препознаени знаења и вештини за следните занимања на градежни работници:

1. фасадери со вештини за енергетска ефикасност на згради;
2. кровопокривачи со вештини за енергетска ефикасност на згради;
3. столари со вештини за енергетска ефикасност на згради;
4. инсталатери за греење, ладење и вентилација со вештини за енергетска ефикасност и
5. инсталатери на енергетски ефикасни електрични инсталации.

Напомена:

• Еден кандидат може да се пријави за препознавање на знаењата и вештини за ЕЕ за едно или повеќе занимања од горе наведените.
• Одборот за сертификација при Проектот Build Up Skillls BEET одлучува за издавањето на сертификат за поседување на знаења и вештини за ЕЕ.

Постапката на препознавање целосно е финансирана од Проектот BUILD UP Skills – BEET.

II) Услови за пријавување

Кандидатите треба да имаат завршено:

• основно или средно образование, или
• постсредно образование, т.е. мајсторски испит со V-Б степен на квалификации или
• четиригодишно средно техничко образование со IV степен на квалификации или
• тригодишно средно стручно образование со III степен на квалификации.

1. Работно искуство:

• најмалку 5 (пет) години во струката односно занимањето за кое се бара сертификат, од кои
• најмалку 2 (две) години во спроведување на мерки за енергетска ефикасност.

III) Процес на препознавање на вештините

Секој кандидат поднесува апликација за препознавање на претходното знаење и вештини за енергетска ефикасност, заедно со докази за работно искуство и стекнати квалификации. Поднесените апликации ги разгледува и оценува испитна комисија, составена од сертифицирани тренери (обучени во рамки на проектот). Во рамките на процесот на препознавање, доколку поднесените докази за компетентност се недовоолни, кандидатите може да бидат повикани на интервју и/или проверка на знаењата и вештините.

IV) Резултати/придобивки од обуките

• Вид на сертификат

Со успешно завршување на постапката на препознавање на вештините,  кандидатите ќе се стекнат со Сертификат за поседување на знаења и вештини за енергетска ефикасност, кој се однесува на определеното занимање.

• Важност на сертификатите:Стекнати компетенции
  • сертификатите ќе ги издава Сертификационото тело во рамките на Проектот „Обука на градежните работници за енергетска ефикасност (BUILD UP Skills – BEET)”;
  • сертификатите ќе имаат важност во рамки на самиот Проект во Македонија, Хрватска и Словенија, како земји-учеснички во иста работна група од BUILD UP Skills иницијативата;
  • дополнително, сертификатите ќе бидат препорачани од страна на Проектот.

Сертифицираните работници, по добивањето сертификат, ќе можат да аплицираат на тендери каде се барат работници со вештини за ЕЕ.

V) Постапка на пријавување

• 1. Пријавувањето на кандидатите се врши електронски на еден од следните начини:

þ  Доставување на документите во електронска форма на е-маил адреса:

•       за фасадери, е-маил: Оваа е-адреса е заштитена од спамботови. Треба да ви е овозможено JavaScript за да ја видите.,

контакт лица:

Ивона Каранфиловска, тел: 02/3244-084 

Симона Ристоска,  тел: 02/3244-067

•       за кровопокривачи, е-маил: е-маил: Оваа е-адреса е заштитена од спамботови. Треба да ви е овозможено JavaScript за да ја видите.,

контакт адреса: ЦеПроСАРД, ул.Орце Николов 172, Скопје,тел: 02/3061-391

•       за столари, е-маил: Оваа е-адреса е заштитена од спамботови. Треба да ви е овозможено JavaScript за да ја видите.,

контакт адреса:

Факултет за бизнис економија, бул. 3та Македонска бригада 66А/1кат, Скопје

контакт лице: Слаѓана Стојановска, тел:02/2402-161

                        Љупчо Вангелски,      тел: 02/2402-170

•       за инсталатери за греење и климатизација, е-маил: Оваа е-адреса е заштитена од спамботови. Треба да ви е овозможено JavaScript за да ја видите., 

контакт лице: Даниела Тошевска, тел: 02/3216-903

•       за инсталатери на енергетски ефикасни електрични инсталации, е-маил: Оваа е-адреса е заштитена од спамботови. Треба да ви е овозможено JavaScript за да ја видите., контакт лице: Лихнида Стојановска-Георгиевска, тел 02/3099-178
  

þ  Доставување на документи до сертифицираните тренери и акредитирани за одредени региони во Република Македонија, или

þ  Доставување на документите во печатена форма во Стопанската комора на Македонија,

ул. Димитрие Чупоски 13, 1000 Скопје.

1. Потребна документација:

• пополнет ПРИЈАВЕН ЛИСТ;
• копија од диплома за завршено образование;
• сертификати од обуки во неформалното образование (институции и приватни установи што организираат обуки за ЕЕ);
• доказ за работно искуство во струката. Како доказ за работно искуство може да се приложи заверена референтна листа, потврда од работодавач за ангажманот на кандитатот со податоци за работната позиција и времетраењето.

1. Повикот за пријавување е отворен до 30 октомври 2015 година.

За повеќе информации обратете се во Стопанската комора на Македонија,

ул. Димитрие Чупоски 13, 1000 Скопје.

Контакт лица:

Ивона Каранфоловска

Телефон: +389 2 324 4084

Е-адреса:: Оваа е-адреса е заштитена од спамботови. Треба да ви е овозможено JavaScript за да ја видите.

Симона Ристоска

Телефон: +389 2 3244 067

Е-адреса: Оваа е-адреса е заштитена од спамботови. Треба да ви е овозможено JavaScript за да ја видите.

ДОКУМЕНТИ ЗА ПРЕЗЕМАЊЕ

1) ПРИЈАВЕН ЛИСТ
2) ИЗЈАВА